Real Stories

Real Stories

Aik Larki Par Jin:

Mera aik dost Mobilink mei job karta hai. Hum log har sunday ko aik sath cricket khelte hain. Koi 2 month phle wo mere pas baitha hua tha ke us ko aik phone call ayi jis ke baad wo thora tension mei hu gia. Mere pochne par us ne bataya ke us ke Manager ki sister kuch dino se ajeeb si mushkil ka shikaar hai. Jis ki waja se hamara Manager bi buhat preshan rehta hai.
Jab mei ne pocha ke kia tension hai tou us ne btaya ke Manager ki sister ajeeb ajeeb harkte karti hain.
Kbhi kisi mard ki awaz mei bolti hai tu kbhi kbhi 10,10 logo ka khana aik sath hi kha jati hai. apne ghar walo ko bi marti hai. Ghar walo ne buhat ilaj karwaya hai but kuch samaj nahi aa raha.
Abhi mere Manager ki hi call ki thi wo muj se apni mushkil share kar raha tha isiliay mei bi tension mei aa gia tha.
Mei us ki sari batien sun kar samaj gia ke koi jin us larki par musalat hai.
Mei ne us ko kaha ke chalo aao muje apne Manager ke ghar le chalo tou wo ye sun kar khush hu gia.
Mei isiliay ja raha tha ke koi ALLAH ki makhlooq ko tang kar raha hai aur muje ja kar us ko samjana chiay.
Jab hum un ke ghar ponche tou buhat alishaan ghar tha.Un logo ne buhat ache se hum ko welcome kia jis se mei samaj ghia ke mere dost ki apne Manger ke sath buhat achi understanding hai.
Jaise hi mei us ghar mei dakhil hua tou sab kuch muj par clear hu gia.

Us ghar mei total 5 log rahte thay aur wo larki sab se choti thi jis ki age taqreeben 21 saal hu gi.
Mei ne un ko bola ke us bachi ko drawing room mei le kar aao mei us ko daikhna chahta hon. Phle tou un logo ne muje bi aik dhongi hi samja phir mere dost ke khne par apni bachi ko lene chale gaye.
Thori hi dair baad ander se larki ki cheekhon ki awazien ana shuru hu gayi. Wo larki mere samne aane se inkaar kar rahi thi. Asal mei wo jin mere samne nahi anaa chahta tha. But thora sa mushkil ke baad wo mere samne aa gayi.
Jin us par hazir tha, mei ne us se baat karne ki khosish ki tou wo badtameezi karna shuru hu gia aur bolne laga ke mei yahan se chala jaon. Phir mei ne ALLAH ka naam le kar aik buhat hi taqatwar wazeefa shuru kia tou us ka lehja sahi hu gia phir wo khne laga ke wazeefa band kar du. But mei ne wazeefa pora parh kar us se bat karna shuru ki tou wo araam se mere sawalo ka jawab dena shuru hu gia.
Mere pochne par us ne btaya ke wo is larki ke peechay 6 saal se hain. 6 saal phle larki apne ghar mei majood swimming pool mei naha rahi thi tab us ki nazar iss larki par parhi thi tab se hi wo iss larki par aashiq hu gia hai. Jab mei ne kaha ke tum is larki ko chor do aur iss ke ghar walo ko bi tang karna chor do. Yea sun kar wo phir gussay mei aa gia.
Bola ke mei iss larki ko nahi choro ga chahe mujay maar du.
Ye sun kar muje bi gussa ayaa mei ne phir ALLAH ko yaad karna shuru kar dia. Taqreeben 15 mint baad wo seedha hu gia aur kuch sharayat par larki ko chor kar chala gia.
ALLAH ne hamari izat rakhi.